ನೀನಿಲ್ಲದೆ........

ನಿನ್ನಿರವಿನ ಬಲವಿರದಿರೆ
ಈ ಬದುಕಿಗೆ ಏನಿದೆ ಅರ್ಥ?
ಕರುಣೆಯ ಕರ ಚಾಚುತ ಮನ
ಬೆಳಗಿಸು ಸುಖ ಸಂತಸ ತರುತ

ಈ ನೀರು ಮಳೆ ಗಾಳಿ,ಹಸಿರು
ರವಿ ಚಂದ್ರ ಹೆಳೆಯುವ ತಾರೆ
ಎಲ್ಲವು ನಿನ್ನಿರವಿನ ಛಾಯೆ
ಎದೆಗೂಡಲಿ ಬೆಳಕರಳಿಸು
ಈ ಬದುಕನು ಕೈಚಾಚುತ ತಾಯೆ

ಇಳಿದು ಬಾ ಇಳೆಗೆ,ಒಲವ ತಾ ನಮಗೆ
ಹಸಿರಾಗಿಸು ಜಗವ ಸುರಿಮಳೆಯಾಗಿ
ಉಸಿರಾಡಲಿ ಹಳೆಬೇರಲಿ..
ಜೊತೆಯಾಗುತ ಹೊಸ ಚಿಗುರಿಗೆ ನೆರಳಾಗಿ..

ಈ ಜೀವನ ಹೋರಾಟವು ಕ್ಷಣ ಕ್ಷಣಕೂ
ಆಧರಿಸುತೆಮ್ಮನು ಶಕ್ತಿಯ ತುಂಬಿಸು
ಹರಿಯುವ ನೆತ್ತರ ಕಣಕಣಕೂ
ನಿನ್ನಿಂದಲೇ ಬೆಳಕಾಗಲಿ ತಾಯೇ
ನಮ್ಮ ಈ ಕಪ್ಪಡರಿದ ಬದುಕು.