ಒಡಲಲ್ಲಿ ಬಚ್ಚಿಟ್ಟ ದಾರ
ನನ್ನನ್ನೇ ಸುಟ್ಟಿದ್ದು ಏನಕ್ಕೆ?
ಕೊನೆಗೂ ಸತ್ಯ ತಿಳಿಯಲಿಲ್ಲ
ಕರಗಿ ನೀರಾಗಿ ಬಿದ್ದಿದ್ದ ಮೇಣಕ್ಕೆ !
****
ತಾನು ಹೊತ್ತಿ ಉರಿದು
ಬೆಳಕನಿತ್ತರೂ ಊರಿಗೆಲ್ಲ
ದಾರಿ ತೋರುವರಿಲ್ಲ ದೀಪಕ್ಕೆ
ಕಾಲಬುಡದಲ್ಲೇ ಕತ್ತಲು
ಯಾವ ಪಾಪಕ್ಕೆ.?
****
ಗೆಳತಿ ನೀ ಬಂದೆ ಬಾಳಲ್ಲಿ
ಮೂಡಿತ್ತು ಹೊಸ ಮಿಂಚು
ಬೆಳಕಾಗುವಷ್ಟರಲ್ಲಿ ಬರಸಿಡಿಲು
ಬದುಕು ಸುಟ್ಟು ಕರಕಲು
ತಿಳಿಯಲಿಲ್ಲ ನಿನ್ನ ಸಂಚು..
****
ನೂರು ದೀಪದ ಬೆಳಕ ಕಂಡೆ
ಪ್ರಿಯೆ ನಿನ್ನ ಕಣ್ಣ ನೋಟದಲ್ಲಿ
ಹಚ್ಚಬೇಕಿಲ್ಲ ಈಗ ಹೆಚ್ಚು ಹಣತೆ
ನಿತ್ಯ ದೀಪಾವಳಿ ನನಗೆ ನೀನಿದ್ದಲ್ಲಿ !
****
ಬದುಕನ್ನೇ
ಸುಡಬಹುದು ಇಡೀ
ಬೆಳಕಾಗಬೇಕಿದ್ದ
ಒಂದು ಸಣ್ಣ ಕಿಡಿ
ಬತ್ತಿಯಿಡುವ ಮುನ್ನ
ಮಾತು ನೆನಪಿನಲ್ಲಿಡಿ !!
****
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ