ನಿನ್ನ ನೆನಪಿನ ಒಂದು ಕನಸು
ನನ್ನ ಮನಸನು ಕಾಡಲು
ಅನಿಸಿದಂತೆ ಬಂದ ಹಾಗೆ
ನೀನೆ ಕೈಯ ಹಿಡಿದು ಜೊತೆಗೆ!
ಮನದಿ ಮಿಡಿವ ನೂರು ವೀಣೆ
ನುಡಿಸುತಿರುವ ತಂತಿ ನೀನೆ
ಹೊಮ್ಮುತಿರಲು ಮೌನರಾಗ
ಭಾರವಾಗಿದೆ ಭಾವನೆ...
ಮೋಡಕವಿದ ಇರುಳಿನಲ್ಲಿ
ಚಂದ್ರನಿರದ ಬಾನಿನಲ್ಲಿ
ಮಿಂಚು ಹೊಳೆದು ಹರಿದ ಹಾಗೆ
ನೀ ಬಂದೆ ನನ್ನ ಬಾಳಿಗೆ....
ನಾ ರೆಕ್ಕೆ ಮುರಿದ ಒಂಟಿ ಹಕ್ಕಿ
ಹಾರುವಾಸೆಯೀಗ ಗರಿಯ ಬಿಚ್ಚಿ
ಕೊಲ್ಲುತಿದೆ ನನ್ನ ಹೇಳಲಾಗದ
ಮನದ ಮೂಕ ವೇದನೆ!
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ