ಮುಗ್ಧ ಕನಸು

ಕನಸ ನೇಯುವಳು ಮುಗ್ಧ ಹುಡುಗಿ
ಸುಪ್ತ ಮನಸಿನೊಳಗೆ,
ನನ್ನದೇ ಒಂದು ಪುಟ್ಟ ಮನೆ
ನಾನು ಪತಿ ಮಕ್ಕಳು ಅದರೊಳಗೆ !

ಕನಸ ಕಾಣುವಳು ಹುಡುಗಿ
ಸುತ್ತಿ ಬಂದಂತೆ ಅವನ ಜೊತೆ
ಹಸಿರುಪಾರ್ಕು,ದೇವ ಮಂದಿರ
ಸುಂದರ ನೀಲ ಕಡಲ ತೀರ
ಸಾಗುವಳು ಹೀಗೆ ಬಹುದೂರ..

ದಿನವ ಕಳೆಯುವಳು ಹೀಗೆ
ಕನಸ ಕೂಡಿಡುತ,ಹುಡುಗನಾಸೆಯಲ್ಲಿ
ಅವನ ಹಾದಿಗೆ ನಿತ್ಯ ನೂರು
ಕನಸ ಮಾಲೆಗಳ ಚೆಲ್ಲಿ!

ದಾರಿ ಕಾಯುತ,ಕನಸ ಕಾಣುತ
ಮನಸ ತೀಡುತ ಹೊತ್ತು ಸಂಜೆಯಾಗಲು
ಹಗಲುಗನಸಿನ ಕಣ್ಣ ತೆರೆಯುತ
ದೀಪ ಹಚ್ಚಲು
ಬೆಳಕು ಮೂಡಿತು ಸುತ್ತಲೂ....